|
|
Nella
Foto: Icona di San Giovanni
Crisostomo
|
 Sacerdos
divinum mysterium peracturus, ante omnia
confessus et cum omnibus reconciliatus, cor
etiam pro viribus purum conservare debet a
pravis cogitationibus, et a vespere
continuisse, atque usque ad sacrificii
tempus vigilasse. Tempore autem sacrificii
instante; postquam solitam pręsidi pnitentiam
fecerit, templum ingreditur, et diacono
junctus, ter simul adorant ad orientem coram
Salvatoris et sanctissime Deiparę imagine,
et ad duos choros singulatim inclinant.
Quando autem adorant, hanc orationem secreto
dicunt:
Domine Deus
noster, emitte manum tuam ex sancto
habitaculo tuo, et confirma me ad propositum
ministerium tuum, ut inculpate tremendo tuo
tribunali adstans, incruentum sacrificium
peragam; quia tua est potentia et gloria in
sęcula sęculorum. Amen.
Ingressi
autem in sacrarium accipiunt uterque manibus
suis tunicam sibi propriam, et tres
reverentias versus orientem facunt, apud se
dicentes: Deus propitius esto mihi peccatori. (Luc.
18:13).
Deinde
diaconus inclinato capite accedit ad
sacerdotem, et manu dextera tenens
dalmaticam cum stola dicit: Benedice,
domine, dalmaticam cum stola.
Sacerdos vero
manu benedicens, ait. Benedictus Deus
noster perpetuo, nunc et semper, et in sęcula
sęculorum. Amen.
Deinde secedit diaconus seorsum in unam
sacrarii partem, et induitur tunica sic
orans: Exsultabit anima
mea in Domino: induit enim me vestimento
salutis, et tunica lętitię circumdedit me:
et tamquam sponso mihi mitram imposuit, et
sicut sponsam me ornamento circumvestivit (Isai.
61:10)
Et stolam osculatus, sinistro humero illam
imponit. Sacerdos quoque accepta tunica,
illam benedicit, et osculatus induit, dicens
apud se pręfatum psalmum sicut diaconus. Et sacerdos accipit in dextera manu
supermanicalia, et dicit: Dextera
tua, Domine, glorificata est in fortitudine;
dextera tua, Domine, confregit inimicos, et
multitudine glorię tuę confregisti
adversarios; dextera Domini fecit virtutem (Exod.
15:6). In sinistra vero manu, sic dicit:
Manus tuę fecerunt me et plasmaverunt me (Psal.
118:73).
Deinde
accipiens stolam, et benedicens, osculatur;
et collo suo imponens, dicit: Benedictus Deus, qui effundet gratiam
suam super sacerdotes suos, ut unguentum
super caput, quod descendit in barbam,
barbam Aaron, quod descendit in oram
vestimenti ejus, ut ros Ęrmon, qui
descendit in montes Sion: quoniam illic
mandavit Dominus benedictionem, vitam usque
in sęculum (Psal. 132:2).
Et accipiens zonam, et benedicens, osculatur,
et dicit: Benedictus Deus, qui pręcingit me virtute, et effundit gratiam suam
perpetuo, nunc et semper, et in sęcula sęculorum.
Amen.
Deinde accepto subgenuali, si est
protosyncellus magnaę ecclesię, vel quivis
alius habens dignitatem aliquam, et postquam
benedixit, et osculatus est, dicit: Accingere gladio
tuo super femur tuum, potentissime: speciem
tuam et pulchritudine tua intende, prospere
procede et regna, propter veritatem et
mansuetudinem et justitiam, et deducet te
mirabiliter dextera tua (Psal. 44:5)
perpetuo, nunc et semper, et in sęcula sęculorum.
Amen.
Deinde accipiens casulam, et benedicens,
exosculatur et ait: Sacerdotes tui, Domine, induent justitiam, et sancti tui exsultatione
exsultabunt perpetuo (Psal. 131:7),
nunc et semper, et in sęcula sęculorum.
Amen.
Dehinc procedentes ad propositionis mensam,
lavant manus dicentes: Lavabo inter innocentes manus meas, et
circumdabo altare tuum, Domine, ut audiam
vocem laudis tuę, et enarrem universa
mirabilia tua. Domine, dilexi decorem domus
tuę et locum habitations glorię tuę: ne
perdas cum impiis animam meam, et cum viris
sanguinum vitam meam, in quorum manibus
iniquitates sunt: dextera eorum repleta est
muneribus; ego autem in innocentia mea
ingressus sum: redime me, Domine, et
miserere mei: pes meus stetit in directo: in
ecclesiis benedicam te, Domine (Psal.
25:12).
Diaconus vero sacra pręparat, sanctum quidem
discus ad partem sinistram, calicem vero ad
dexteram, et alia cum ipsis. Dehinc tres
reverentias ante proprositionis mensam
facientes dicunt: Deus propitius
esto mihi peccatori, et miserere me. (Luc.
18:13); et illud: Redemisti nos de
maledicto legis pretioso sanguine tuo, cruci
affixus et lancea perforatus, immortalitatem
tamquam ex fonte prębuisti hominibus,
Salvator noster, gloria tibi.
Deinde dicit
diaconus: Benedic, domine. Et benedicit sacerdos: Benedictus Deus noster perpetuo, nunc et
semper, et in sęcula sęculorum. Amen.
Deinde accipit sacerdos in sinistra manu
oblationem, in dextera vero sanctam lanceam;
et cum ea signum faciens supra sigillum
oblatae, ter dicit: In memoriam Domini et Dei et Salvatoris
nostri Jesu Christi.
Et statim infigit sanctam lanceam in dexteram
partem sigilli, et scindens dicit: Tamquam ovis ad occisionem ductus est. In
sinistra similiter infigens sanctam lanceam
dicit: Et sicut agnus sine malitia coram
tondente se sine voce, sic non aperit os
suum (Isai. 53:7)
In superiore autem parte sigilli infigens
sanctam lanceam dicit: In humilitate ejus judicium ejus sublatum
est. In inferiori etiam sigilli parte
rursus infigens sanctam lanceam dicit:
Generationem ejus quis enarrabit? (Ibid. v. 8)
Diaconus vero
in qualibet incisione dicit: Dominum precemur. Tenens autem dextera manu stolam, postea
dicit diaconus: Tolle, domine.
Et sacerdos
immittens sanctam lanceam, ex obliquo dexterę
partis oblataę, extollit sanctum panem sic
dicens: Quia
tollitur de terra vita ejus, perpetuo, nunc
et semper, et in sęcula sęculorum. Amen. Et
ponens ipsum sublimem in sancto disco,
postquam dixit diaconus, Immola, domine,
sacerdos sacrificat illum in modum
crucis, dicens: Immolatur Agnus Dei, qui
tollit peccatum mundi, pro mundi vita et
salute. Et convertit aliam
partem, quę habet superne crucem; et dicit
diaconus: Punge, domine.
Sacerdos autem ipsum in dextera pungens cum
sancta lancea dicit: Et unus militum lancea latus ejus aperuit; et
statim exivit sanguis et aqua (Joan.
19:34). Diaconus autem infundit in
sanctum calicem vinum et aquam simul,
postquam sacerdoti dixit: Benedic,
domine, mixtionem hanc. Et sacerdos
benedicit.
Deinde accipiens sacerdos secundam oblatam,
dicit: In honorem et memoriam super omnes benedictę gloriosę Dominę nostrę
Deiparę et semper virginis Marię: cujus
precibus suscipe, Domine, sacrificium hoc in
supercęleste altare tuum.
Et elevans particulam cum sancta lancea, ponit
ad sinistram sancti panis. Postea tertiam
oblatam accipiens, dicit: Honorandi gloriosi
prophetę Pręcursoris et Baptistę Joannis,
sanctorum gloriosorum patrum nostrorum
pontificum, Basilii Magni, Gregorii Theologi,
Joannis Chrysostomi, Athanasii, Cyrilli,
Nicolai Myrensis, et omnium sanctorum
pontificum; sancti apostoli, primi martyris
et archidiaconi Stephani; sanctorum magnorum
martyrum, Georgii, Demetrii, Theodori et
omnium sanctorum martyrum; sanctorum
deiferorum patrum nostrorum, Antonii,
Euthymii et Sabę sanctificati, Onuphrii,
Arsenii, Athanasii in monte Atho, et omnium
sanctorum; sanctorum medicorum absque
mercede, Cosmę et Damiani, Cyri et Joannis
Eleemosynarii et Hermolai, Sampsonis et
Diomedis, Thallalei et Tryphonis, et
reliquorum; sanctorum Deiparentum Joachim et
Annę; sancti illius, cujus est dies
festus; et omnium sanctorum, quorum
precibus protege nos, Deus.
Et sic attollens particulam, ponit eam infra
dexteram partem. Deinde accepta alia oblata
dicit: Pro archiepiscopo
nostro N.: venerandu presbyteratu, in
Christo diaconatu, et omni sacerdotali
ordine: pro memoria et remissione peccatorum
semper memorabilium conditorum huius sanctę
ędis. Hic vivorum et mortuorum, quorum
vult sacerdos, nominatim mentionem facit. Et
omnium qui in spe resurrectionis et vitę ęternę
in communione tua obierunt, orthodoxorum
patrum et fratrum nostrorum, benigne Domine,
veniam indulge. Et sic particulam
attollens, ponit illam infra sinistram
partem.
Accepto deinde thuribulo et incenso diaconus
dicit sacerdoti: Benedic, domine, incensum; et Dominum
precemur. Et sacerdos dicit orationem:
Incensum tibi offerimus, Christe Deus, in
odorem suavitatis spiritualis, quem suscipe,
Domine, in sanctum et supercęleste et
spirituale altare tuum: et repende nobis
abundantes tuas miserationes, et illas
largire nobis servis tuis, qui invocamus
nomen tuum, Patris et Filii et Spiritus
Sancti, perpetuo, nunc et semper, et in sęcula
sęculorum. Amen.
Diaconus: Dominum precemur.
Et sacerdos cum asteriscum suffumigaverit,
ponit eum super panem, et dicit: Et
veniens stella stetit supra ubi erat puer
jacens (Matth. 2.9), perpetuo, nunc
et semper, et in sęcula sęculorum. Amen.
Diaconus: Dominum precemur.
Sacerdos postquam primum velum incenso
honoravit, tegit sanctum panem et dicit:
Dominus regnavit, decorem indutus est:
indututs est Dominus fortitudinem et pręcinxit
se: etenim firmavit orbem terrę, qui non
commovebitur (Psal. 92.1). Domum tuam
decet sanctitudo, Domine, in longitudine
dierum, perpetuo, nunc et semper, et in sęcula
sęculorum. Amen.
Diaconus: Dominum precemur.
Tege, domine. Sacerdos suffumigans
secundum velum, et tegens sanctum calicem
dicit: Operuit cęlos virtus tua Christe,
et laudis tuę plena est terra perpetuo,
nunc et semper, et in sęcula sęculorum.
Amen.
Diaconus: Dominum precemur.
Tege, domine. Et sacerdos suffumigans
aerem, et utraque velans, ait: Protege
nos sub umbra alarum tuarum (Psal. 16.8),
Deus noster, perpetuo, nunc et semper, et in
sęcula sęculorum. Amen.
Deinde ligatis ambo manibus, postquam pie
adoraverunt, dicunt: Benedictus Dominus Deus noster, cui sic complacuit, perpetuo, nunc et
semper, et in sęcula sęculorum. Amen.
Diaconus in propositione donorum pretiosorum: Dominum precemur. Sacerdos propositionis orationem emittit: Dominus
Deus noster, qui cęlestem panem, et escam
totius mundi Dominum nostrum et Deum Jesum
Christum misisti Salvatorem et redemptorem
et beneficum, nos benedicentem et
sanctificantem; ipse benedic hanc
propositionem, et suscipe eam in supercęleste
tuum altare: memento ut bonus et benignus
eorum qui obtulerunt, et nos inculpatos
custodi, in celebratione divinorum tuorum
mysteriorum. Elata voce: Quoniam
sanctificatum et glorificatum est,
honorabilissimum et magnificum nomen tuum,
Patris et Filii et Spiritus Sancti, nunc et
semper, et in sęcula sęculorum. Amen.
Et completa oratione propositionem suffumigat,
et dimissionem facit, dicens: Gloria tibi,
Christe Deus, spes nostra. Diaconus:
Gloria Patri et Filio et sancto Spiritui,
nunc et semper, et in sęcula sęculorum.
Amen.
Sacerdos: Christus verus
Deus noster, intercessionibus sanctissimę,
intemeratę, super omnes benedictę, gloriosę
Dominę nostrę Deiparę et semper virginis
Marię, virtute venerandę et vivificę
crucis et omnium sanctorum, misereatur
nostri, utpote bonus Deus et benignus. Chorus:
Amen.
Et sic diaconus accepto thuribulo, abit, et
sanctam mensam cruciformiter in circuitu
incensat, dicens apud se: In sepulcro cum
corpore, in inferis autem cum anima ut Deus;
in paradiso cum latrone, et in throno eras,
Christe, cum Patre et Spiritu, omnia implens,
qui incircumscriptus es. Et psalmum
quinquagesimum recitat: Miserere mei.
Deus.
Et postquam incensavit sacrarium et totum
templum, ad sanctum tribunal rursus
ingreditur. Et postquam incensavit sanctam
mensam et sacerdotem, thuribulum deponit in
proprio loco: ipse vero
accedit ad sacerdotem: et simul stantes ante
sanctam mensam, et apud ea quisque adorantes
et orantes dicunt: Rex cęlestis,
Paraclete, Spiritus veritatis, qui ubique pręsens
es et omnia imples, thesaurus bonorum et vitę
largitor, veni et habita in nobis, et purga
nos ab omni macula, et serva, o bone, animas
nostras. Illud, Gloria in excelsis
Deo, et in terra (Luc. 2.14), bis;
et illud, Domine, labia mea aperies (Psal.
50.17); et reliqua, semel.
Deinde osculatur sacerdos Evangelium; diaconus
autem sanctam mensam. Deinde diaconus caput
inclinans sacerdoti, et stolam suam tribus
dexterę suę digitis tenens ait: Tempus faciendi
Domino. Benedic, domine. Et sacerdos ipsum signans dicit: Benedictus Deus
noster perpetuo, nunc et semper, et in sęcula
sęculorum. Amen.
Diaconus: Ora pro me, domine. Sacerdos vero: Dirigat Dominus
gressus tuos. Et rursus diaconus:
Recordare mei, domine. Sacerdos vero: Recordetur tui Dominus Deus in regno
suo, perpetuo, nunc et semper, et in sęcula
sęculorum. Diaconus: Amen, amen, amen. Et postquam ter adoraverunt, dicunt apud se: Domine, labia mea
aperies, etc.
Et postea egreditur diaconus ex tribunali, et postquam
ter adoravit, dicit alta voce: Benedic,
domine. Sacerdos autem alta voce dicit:
Benedictum regnum Patris et Filii et
Spiritus sancti, nunc et semper, et in sęcula
sęculorum. Chorus: Amen.
Diaconus alta
voce: In pace Dominum
precemur. Chorus: Domine, miserere. Diaconus:
Pro superna pace et salute animarum
nostrarum Dominum precemur. Chorus:
Domine, miserere. Diaconus: Pro pace
totius mundi, stabilitate sanctarum Dei
Ecclesiarum, et pro omnium concordia Dominum
precemur. Chorus: Domine, miserere. Diaconus:
Pro hac sancta domo, et pro iis qui cum
fide, pietate et timore Dei ingrediuntur in
eam, Dominum precemur. Chorus: Domine,
miserere. Diaconus: Pro Archiepiscopo
nostro N., venerandis presbyteris, in
Christo diaconis, universo clero et populo
Dominum precemur. Chorus: Domine,
miserere. Diaconus: Pro pissimis et a
Deo custoditis Imperatoribus nostris, pro
toto palatio et exercitu ipsorum, Dominum
precemur. Chorus: Domine, miserere. Diaconus:
Ut una cum illis bellum gerat, et subiiciat
sub pedibus eorum omnem inimicum et hostem,
Dominum precemur. Chorus: Domine, miserere.
Diaconus: Pro Sancta hac mansione,
tota urbe et regione, et iis qui cum fide in
illis habitant, Dominum precemur. Chorus:
Domine, miserere. Diaconus: Pro bona
aeris temperie, et pro fructum terrę
fertilitate, et pacificis temporibus Dominum
precemur. Chorus: Domine, miserere. Diaconus:
Pro navigantibus, iter agentibus, ęgrotis,
laborantibus, captivis, et pro salute
ipsorum, Dominum precemur. Chorus:
Domine, miserere. Diaconus: Ut
liberemur ab omni afflictione, ira, periculo
et necessitate, Dominum precemur. Chorus:
Domine, miserere.
Oratio antiphoni primi secreto.
Domine Deus noster, cujus nec potentia ęstimari, nec gloria comprehendi
potest, cujus misericordia immensa, et
benignitas ineffabilis est, ipse, Domine,
pro tua miseratione in nos respice, et in
hanc sanctam domum: et fac nobiscum et cum
iis qui nobiscum precantur abundantes
misericordias et miserationes tuas.
Sacerdote
dicente orationem secreto in tribunali,
eodem tempore diaconus extra tribunal
pacifica recitat. Si autem non sit diaconus, sacerdos post orationem dicit, elata voce, et postea pacifica.
Diaconus: Suscipe, serva, miserere et custodi
nos, Deus, gratia tua. Chorus: Domine,
miserere. Diaconus: Sanctissimę,
intemeratę, super omnes benedictę, Dominę
nostrę Deiparę et semper virginis Marię
cum omnibus sanctis memoriam agentes,
nosmetispsos et mutuo, et totam vitam
nostram Christo Deo consecremus. Chorus: Tibi, Domine.
Alta voce sacerdos: Quoniam tibi
convenit omnis gloria, honor et adoratio,
Patri, et Filio, et Spiritui sancto, nunc et
semper, et in sęcula sęculorum. Chorus.
Amen.
Post pacifica chorus psallit primam antiphonam
vel typica, si est Dominica; sin vero, quod
diei proprium est.
Oratio antiphoni secundi secreto.
Domine Deus noster, salvum fac populum tuum, et benedic hereditatem tuam,
plenitudinem Ecclesię tuę custodi,
sanctifica diligentes decorem domus tuę: tu
ipsos vicissim glorifica divina tua potentia,
et ne derelinquas nos sperantes in te. Nota
etiam hic ut et prima oratione, si adsit
diaconus, aut si absit.
Diaconus: Etiam atque etiam
in pace Dominum precemur. Chorus:
Domine, miserere. Diaconus: Suscipe,
serva, miserere et custodi nos, Deus, gratia
tua. Chorus: Domine, miserere. Diaconus:
Sanctissimę, intemeratę, super omnes
benedictę, Dominę nostrę Deiparę et
semper virginis Marię cum omnibus sanctis
memoriam agentes, nosmetispsos et mutuo, et
totam vitam nostram Christo Deo consecremus.
Chorus: Tibi, Domine.
Alta voce sacerdos: Quoniam tua est
potentia, et tuum est imperium, et virtus,
et gloria, Patris, Filii, et Spiritus sancti,
nunc et semper, et in sęcula sęculorum. Chorus.
Amen.
Post pacifica secunda cantat chorus secundum
antiphonum, vel typica, si est Dominica; sin
vero, quod diei est.
Oratio tertii antiphoni secreto.
Qui communes has et concordes orationes largitus es, qui et duobus et tribus
in tuo nomine convenientibus te petitiones
daturum pollicitus es: ipse etiam nunc
servorum tuorum petitiones imple ad
utilitatem, suppeditans nobis in pręsenti sęculo
agnitionem veritatis, et in futuro vitam ęternam
largiens. Nota et hic ut in
prima et secunda oratione, si diaconus adsit,
necne.
Diaconus: Etiam atque etiam in pace Dominum
precemur. Chorus: Domine, miserere. Diaconus:
Suscipe, serva, miserere et custodi nos,
Deus, gratia tua. Chorus: Domine,
miserere. Diaconus: Sanctissimę,
intemeratę, super omnes benedictę, Dominę
nostrę Deiparę et semper virginis Marię
cum omnibus sanctis memoriam agentes,
nosmetispsos et mutuo, et totam vitam
nostram Christo Deo consecremus. Chorus: Tibi, Domine.
Alta voce sacerdos: Quia bonus et
benignus Deus es, et tibi gloriam referimus,
Patri, et Filio, et sancto Spiritui, nunc et
semper, et in sęcula sęculorum. Chorus:
Amen.
Hic chorus cantat tertium antiphonum, vel
tertium et sextum canticum matutinorum. Si
vero sit Dominica, cantat beatitudines, et
quod proprium est sancti illius diei. Cum
autem pervenit chorus ad Gloria Patri, sacerdos et diaconus ante mensam ter adorant. Deinde
accipiens sacerdos sanctum Evangelium, dat
diacono: atque ita egressi per portam
aquilonaris partis veniunt ad consuetum
locum, et et ingressum minorem peregunt, et
inclinant ambo capita, et diacono dicente
submisse: Dominum precemur; simul et
stolam tribus digitis apprehendente, dicit
sacerdos orationem ingressus.
Oratio
ingressus sancti Evangelii secreto.
Dominator
Domine Deus noster, qui constituisti in cęlis
ordines et exercitus angelorum et
archangelorum in ministerium glorię tuę,
fac ut cum introitu nostro sit introitus
sanctorum angelorum simul nobiscum
ministrantium, et bonitatem tuam
conglorificantium. Alta voce: Quoniam te decet
gloria, honor et adoratio, Patrem et Filium
et sanctum Spiritum, nunc et semper, et in sęcula
sęculorum. Chorus. Amen.
Oranione finita, dicit sacerdoti diaconus: Benedic, domine,
sanctum introitum: ostendens simul cum
stola partem orientalem. Et sacerdos cruce
versus orientem facta dicit: Benedictus
ingressus sanctorum tuorum perpetuo, nunc et
semper, et in sęcula sęculorum. Amen.
Deinde diaconus accedit ad episcopum, qui
osculatur Evangelium, si adest; si non adest, sacerdos osculatur: et
ultimo modulo completo, ingreditur diaconus
in medium:et stans ante sacerdotem, tollit
modice manus, et ostendens sanctum
Evangelium, dicit alta voce: Sapientia
recta. Tum reverentia
exhibita, ipse et sacerdos pone ipsum, in
sanctum tribunal ingrediuntur. Et diaconus quidem sanctum
Evangelium in sacra mensa deponit: cantores
vero dicunt consuetos modulos, et eos qui
sunt sancti illius diei: et cum pervenerint
ad ultimum, diaconus versus sacerdotem caput
inclinans, et stolam manu tenens dicit: Benedic,
domine, tempus hymni ter sancti. Et sacerdos sigillo muniens ipsum dicit: Quoniam sanctus es, Deus noster, perpetuo, nunc et semper. Modulo autem
completo ad sanctas fores diaconus accedit,
et foris stantibus stolam ostendit, alta
voce dicens: Et in sęcula sęculorum. Chorus:
Amen.
Choro autem ter sanctum hymnum canente,
sacerdos precetur secreto.
Oratio hymni ter sancti secreto dicenda: Deus sancte, qui
in sanctis requiescis, qui ter sancta voce a
Seraphim laudibus celebraris, et a Cherubim
glorificaris, et ab omni cęlesti potestate
adoraris, qui ex nihilo ad esse cuncta
adduxisti, qui creasti hominem ad imaginem
et similitudem tuam, et omni dono exornasti,
qui das petenti sapientiam et intelligentiam,
et non despicis peccantem, sed ad salutem
posuisti pnitentiam, qui nos humiles et
indignos servos tuos dignatus es in hac hora
stare ante gloriam sancti tui altaris,
debitamque tibi adorationem et
glorificationem exhibere: ipse, Domine,
suscipe ex ore nostro peccatorum ter sanctum
hymnum, et respice nos in bonitate tua:
condona nobis omne peccatum voluntarium et
involuntarium, et sanctifica animas
corporasque nostra, et da nobis te in
sanctitatem colere omnibus diebus vitę
nostrę, intercessionibus sanctę Deiparę,
et omnium sanctorum qui a sęculo tibi
placuerunt. Alta voce: Quia sanctus
es, Deus noster, et tibi gloriam referimus,
Patri et Filio et Sancto Spiritui, nunc et
semper, et in sęcula sęculorum. Chorus:
Amen. His completis et choro psallente, Gloria
et nunc, cantant et ipsi, sacerdos nempe
et diaconus ter sanctum hymnum, facientes
simul et tres reverentias ante sanctam
mensam. Deinde dicit diaconus sacerdoti: Benedic, domine: et procedunt ad
sedem. Et sacerdos abeundo dicit: Benedictus
qui venit in nomine Domini. Diaconus
autem: Benedic, domine, supernam
cathedram. Et sacerdos: Benedictus es
super throno glorię regni tui, qui sedes
super Cherubim, perpetuo, nunc et semper, et
in sęcula sęculorum. Chorus: Amen.
Et completo hymno ter sancto, diaconus veniens
ante ostium dicit: Attendamus. Et sacerdos: Pax omnibus. Diaconus:
Sapientia. Et lector incipit, Alleluia,
Psalmus David. Et diaconus rursum:
Attendamus. Lector propositum apostoli et
diei. Et diaconus rursum: Attendamus. Et
lectione apostoli completa sacerdos exclamat:
Pax tibi. Diaconus: Sapientia. Et
Chorus: Alleluia, Psalmus David. Et
diaconus rursum: Attendamus. Lector
propositum apostoli et diei. Et diaconus
rursum: Attendamus. Et lectione
apostoli completa, exclamat sacerdos:
Pax tibi. Diaconus: Sapientia. Et
Chorus: Alleluia, Psalmus David. Et
accipiens diaconus thuribulum et incensum,
accedit ad sacerdotem dicens: Benedic,
domine, incensum.
Benedicente autem sacerdote, et hanc orationem
recitante: Incensum tibi offerimus, Christe Deus noster, in odorem suavitatis
spiritualis, nobis vicissim repende divinam
gratiam sanctissimi tui Spiritus perpetuo,
nunc et semper, et in sęcula sęculorum.
Amen; incensat diaconus sanctam mensam in
circuitu, sacrarium totum et aerem. Et
postea deposito thuribulo, venit ad
sacerdotem, et inclinato ipsi capite, tenens
stolam cum sancto Evangelio extremis digitis,
videlicet in illo loco sanctę mensę dicit:
Benedic, domine, evangelistam sancti
apostoli et evangellistę N. Sacerdos
autem signans illum dicit: Deus per
intercessionem sancti gloriosi apostoli et
evangelistę N. det tibi verbum ad
evangelizandum multa virtute. Et diaconus
dicit: Amen. Et adorato cum pietate
sancto Evallgelio, egressus per sanctas
portas, pręcedentibus lampadibus et
suffimentis, venit et stat superne in
ambone, aut in constituto loco. Sacerdos vero stans ante sanctam mensam,
respiciens ad occidentem alta voce dicit: Sapientia recta: audiamus sanctum
Evangelium. Et diaconus: Ex Evangelio sancti N. lectio. Et sacerdos: Attendamus. Completo autem Evangelio, dicit diacono
sacerdos: Pax tibi. Et diaconus veniens
usque ad sanctas portas reddit sanctum
Evangelium sacerdoti.
Deinde in
consueto loco stans sic incipit: Dicamus omnes ex tota anima, et ex tota mente dicamus. Chorus:
Domine, miserere. Diaconus: Domine
omnipotens, Deus Patrum nostrorum, precamur
te exaudi et miserere. Chorus: Domine,
miserere. Diaconus: Miserere nostri,
Deus, secundum magnam misericordiam tuam,
precamur te, Domine, exaudi. Chorus:
Domine, miserere. Diaconus: Etiam
precamur pro piissimis et a Deo custoditis
Imperatoribus nostris, ut concedas ipsis
potentiam, victoriam, perseverantiam, pacem,
sanitatem, salutem, et ut Dominus Deus
noster magis ac magis ipsos adjuvet et in
omnibus dirigat, et sub pedibus eorum
subjiciat omnem inimicum et adversarium. Chorus:
Domine, miserere.
Sacerdos
autem hanc orationem secreto dicit: Domine Deus noster, intensam hanc supplicationem a servis tuis
suscipe et miserere nostri, secundum
multitudinem misericordię tuę, et
miserationes tuas in nos demitte, et in
omnem populum tuum, qui copiosam
misericordiam a te exspectat. Alta voce: Quoniam
misericors et benignus Deus es, et tibi
gloriam referimus, Patri et Filio et
Spiritui sancto, nunc et semper, et in sęcula
sęculorum. Chorus: Amen.
Diaconus: Rogate,
catechumeni, Dominum. Chorus: Domine,
miserere. Diaconus: Fideles pro
catechumenis precemur, ut Dominus eorum
misereatur. Chorus: Domine, miserere.
Diaconus; Ut erudiat eos verbo
veritatis. Chorus: Domine. miserere. Diaconus:
Ut revelet ipsis evangelium justitię. Chorus:
Domine, miserere. Diaconus: Ut
uniat eos sanctę, catholicę et apostolicę
Ecclesię. Chorus: Domine, miserere. Diaconus:
Serva, miserere, protege et custodi illos,
Deus, gratia tua. Chorus: Domine,
miserere. Diaconus: Catechumeni,
capita vestra Domino inclinate. Chorus: Tibi, Domine.
Oratio catechumenorum ante sanctam oblationem quam dicit sacerdos secreto:
Domine Deus noster, qui in altis habitas, et
humilia respicis, qui salutem humano generi
misisti per unigenitum Filium et Deum ac
Dominum nostrum Jesum Christum, respice
servos tuos catechumenos, qui suam tibi
cervicem inclinarunt, et dignare illos in
tempore opportuno lavacro regenerationis,
remissione peccatorum, et indumento
incorruptonis: uni eos sanctę tuę catholicę
et apostolicę Ecclesię, et annumera eos
cum electo tuo grege. Alta voce: Ut
et ipsi simul nobiscum glorificent
venerandum tuum et magnificum Nomen, Patris
et Filii et sancti Spiritus, nunc et semper,
et in sęcula sęculorum. Chorus:
Amen.
Post exclamationem accipit sacerdos corporale,
et, ut moris est, expandit. Diaconus: Quotquot catechumeni accedite,
quotquot catechumeni accedite, quotquot
catechumeni accedite: ne quis ex
catechumenis maneat. Quotquot fideles etiam
atque etiam in pace Dominum precemur. Chorus:
Domine, miserere.
Oratio
fidelium prima, postquam expansum est
corporale, quam sacerdos secreto dicit: Gratias agimus tibi, Domine Deus
Virtutum. qui dignatus es ut nos nunc altari
tuo adstaremus, et procideremus ante
miserationes tuas pro peccatis nostris et
ignorantiis populi: suscipe Deus
supplicationem nostram: fac nos esse dignos
qui offeramus tibi preces, supplicationes et
incruenta sacrificia pro toto populo tuo; et
fac nos idoneos, quos in hoc ministerio
posuisti, ut in virtute Spiritus tui sancti
inculpate et innoxie in puro conscientię
nostrę testimonio, invocemus te in omni
tempore et loco, ut exaudiens nos, propitius
nobis sis in multitudine bonitatis tuę.
Orante
sacerdote, diaconus, si adest, pacifica
recitat extra sanctum tribunal, in consueto
loco: Etiam atque etiam
in pace Dominum precemur. Chorus: Domine, miserere.
Diaconus: Pro Sancta hac
mansione, tota urbe et regione, et iis qui
cum fide habitant in illis, Dominum precemur.
Chorus: Domine, miserere. Diaconus:
Pro aeris temperie, fructum terrę
fertilitate, et pro temporibus pacificis
Dominum precemur. Chorus: Domine,
miserere. Diaconus: Pro navigantibus,
iter agentibus, ęgrotantibus, laborantibus,
captivis, et pro salute ipsorum Dominum
precemur. Chorus: Domine, miserere. Diaconus:
Ut liberemur ab omni afflictione, ira,
periculo et necessitate, Dominum precemur. Chorus:
Domine, miserere. Diaconus: Suscipe,
serva, miserere et custodi nos per gratiam
tuam, Deus. Chorus: Domine, miserere.
Diaconus: Sapientia. Sacerdos alta
voce: Quia te decet omnis gloria, honor
et adoratio, Patrem et Filium et sanctum
Spiritum, perpetuo, nunc et semper, et in sęcula
sęculorum. Chorus: Amen.
Oratio fidelium secunda, quam sacerdos secreto
dicit. Iterum et sępius coram te procidimus, et te
rogamus, bone et clemens, respiciens
supplicationem nostram, purges animas et
corpora nostra ab omni inquinamento carnis
et spiritus, et des nobis innoxiam et
inculpatam ad sanctum altare tuum
frequentiam. Largire autem, Deus, etiam iis
qui nobiscum precantur profectum vitę et
fidei et spiritualis prudentię: da iis qui
te semper cum timore et amore colunt, ut
innoxie et inculpate sanctis mysteriis tuis
participent, et cęlesti regno dignentur.
Orante
sacerdote,diaconus pacifica recitat ante
sanctum tribunal.
Sacerdos alta
voce: Ut a potentia tua
jugiter custoditi, tibi gloriam referamus,
Patri et Filio et sancto Spiritui, nunc et
semper, et in sęcula sęculorum. Chorus: Amen.
Post exclamationem dicit orationem apud se: et
cantores hymnum canunt Cherubicum. Diaconus
autem accedens ad sacerdotem, cum incenso
suffumigat in modum crucis et in circuitu
sanctam mensam, sacrarium et sacerdotem. Et
postea stat reverenter ad sinistram
sacerdotis, exspectans orationis
complementum. Oratio quam secreto dicit
sacerdos, dum Cherubicus hymnus cantatur.
Nullus eorum, qui carnalibus concupiscentiis et voluptatibus sunt irretiti,
dignus est, qui accedat vel appropinquet et
ministret tibi, Rex glorię: ministrare
namque tibi, magnum et tremendum est etiam cęlestibus
Potestatibus. Attamen ob ineffabilem et
immensam tuam benignitatem sine mutatione,
factus es homo et Pontifex noster appellatus,
et hujus solemnis et incruenti sacrificii
sacrum ministerium nobis tradidisti, utpote
Dominus universorum. Tu enim solus, Domine
Deus noster, dominaris cęlestibus et
terrenis: qui super thronum Cherubicum
veheris, Seraphinorum Dominus et Rex Israel,
solus sanctus et in sanctis requiescens. Te
igitur deprecor, qui solus bonus es, et
libenter exaudis, respice in me peccatorem
et inutilem servum tuum; et purga animam
meam et cor meum a conscientia mala, et
idoneum me fac per virtutem Spiritus Sancti
tui, indutum per gratiam tuam sacerdotali
ministerio, ut huic sanctę tuę mensę
assistam, et tuum sanctum et immaculatum
corpus et pretiosum sanguinem consecrem.
Tibi enim inclinata cervice supplico, et
precor te ne avertas faciem tuam a me, nec
me ex servorum tuorum numero rejicias, sed
dignare ut a me peccatore et indigno famulo
tuo hęc dona offerantur. Tu enim es qui
offers, et cui offeretur, et accipis et
distribuis, Christe Deus noster, et gloriam
referimus cum principio carente Patre, et
sanctissimo, bono vivificoque tuo Spiritu,
nunc et semper, et in sęcula sęculorum.
Amen.
Completa autem oratione, Cherubicum simul
hymnum precantes recitant, et ter recitando
adorant, deinde quinquagesimum psalmum
secreto,et ter adorantes procedunt ad
propositionis mensam, pręeunte diacono cum
incenso, et postquam sancta incensavit, apud
se sic precatur: Deus propitius esto
mihi peccatori. Sacerdos
dicit: Tolle. Domine.
Sacerdos
autem velum aerem dictum imponit sinistro
humero diaconi dicens: In pace extollite manus vestras in
sancta, et benedicite Dominum. Benedicat te Dominus ex Sion, qui fecit cęlum
et terram, perpetuo, nunc et semper, et in sęcula
sęculorum. Diaconus: Amen.
Deinde sanctum discum sumit diaconus super
caput suum cumn attentione. Sacerdos autem,
tollens sanctum calicem solum, et diaconus,
dextera tenens thuribulum uno digito, et
pertranseuntes templum orant ambo pro
omnibus dicentes: Memor sit Dominus omnium nostrum in regno
suo, perpetuo, nunc et semper, et in sęcula
sęculorum. Chorus: Amen. Et sępius
hoc dicunt donec compleatur magnus ingressus.
Intrantes vero in sanctum tribunal, dicunt
apud se: Benedictus qui venit in nomine
Domini.
Rursus diaconus sacerdoti caput inclinans
dicit: Memento mei peccatoris, domine sancte. Sacerdos vero: Memor sit tui Dominus Deus in regno suo
jugiter, nunc et semper, et in sęcula sęculorum.
Amen.
Deinde
deponit ipse quoque sanctum calicem in sacra
mensa, hunc versiculum dicens:Decorus Joseph, cum de ligno illibatum
tuum corpum deposuisset, in sindone munda et
aromatibus, in monumento novo parentans
locavit.
Deinceps
deponit sacerdos velamenta a sancto disco,
et a sancto calice, et velum aerem dictum
accipiens ex humeris diaconi, postquam
incensavit per ipsum, sancta coperit. Deinde
diaconus sancta ter incensat, dicens: Benefac, Domine, in bona voluntate tua
Sion. Mox orantes dicunt: Deus
propitius esto mihi peccatori. Ante
sanctam mensam ter adorant. Et sacerdos
quidem stat; diaconus autem inclinato capite
sacerdoti dicit: Precare pro me, domine. Sacerdos dicit:
Spiritus sanctus superveniet in te, et
virtus Altissiimi obumbrabit tibi. Diaconus
dicit: Idem Spiritus sanctus voviscum et
nobiscum ministrabit perpetuo, nunc et
semper, et in sęcula sęculorum. Amen. Memor esto mei, domine sancte. Sacerdot autem dicit: Memor
sit tui Deus in regno suo, perpetuo, nunc et
semper, et in sęcula sęculorum. Diaconus: Amen, amen, amen.
Et postquam adoravit, venit ad consuetum locum.
dicens: Compleamus precationem nostram Domino. Chorus: Domine, miserere. Diaconus:
Pro pretiosis donis propositis Dominum
precemur. Chorus: Domine, miserere. Diaconus:
Pro sancta hac ęde, et pro iis qui cum
fide, pietate et timore Dei in illam
ingrediuntur, Dominum precemur. Chorus: Domine, miserere. Diaconus:
Ut nos liberemur ab omni afflictione, ira,
periculo et necessitate, Dominum precemur. Chorus:
Domine, miserere.
Oratio oblationis post divinorum donorum in
sancta mensa depositionem, quam sacerdos
secreto dicit.
Domine Deus omnipotens, solus sanctus, qui suscipis sacrificium laudis ab
iis qui invocant te in toto corde, suscipe
etiam nostram peccatorum deprecationem, et
offer in sancto tuo altari, et fac nos
idoneos ad offerendum tibi dona et
sacrificia spiritualia pro peccatis nostris
et populi ignorantiis, et pręsta ut
|
